Jeevitam - Lekka

<From an old school teacher>
  జీవితం ... లెక్క 

గుండెల్ని పిండేసిన నీ కబురు
కళ్ళని మూసేసిన కన్నీరు


నేను నీకు గురువుగా పాఠం నేర్పాను
నువ్వు నీ జీవితంతో నాకు గురువయ్యావు


నిష్కల్మషమైన నీ చిరునవ్వు
నిర్మలమైన నీ మనస్సు
సాధించాలనే నీ తపన
నన్ను వెంటాడుతూనే వుంటాయి బంగారూ


నిన్ను అబద్ధాలు చెప్పొద్దని దండించాను
కాని
నాకు తెలిసిన ఈ నిజం అబద్ధమైతే ఎంత బాగుండేది చిన్నారూ


నీకు రాని లెక్కను చెప్పగలను
కాని
నీ బ్రతుకు లెక్కని సరిదిద్దలేని ఆశక్తున్ని, అభాగ్యున్ని బంగారు


నేను ఉత్త లెక్కల మాస్టారిని
క్లాసు లో ఎన్ని కూడికలు, గుణకారాలు చేసినా జేవితంలోని భాగహారాల తో "సశేషం" గా మిగిలిన బడి పంతులుని .. ఉత్త బడి పంతులుని


నా ఆయుష్షు పోసుకో..
నవ్వుతూ తిరిగి త్వరగా రా

మనం కలిపి చెయ్యాల్సిన లెక్కలు ఇంకా జీవితానికి సరిపడా వున్నాయి !!!

-జతీన్

Nuvvu Nenu

నువ్వు - నేను

< Inspired by Eenaadu Sunday Magazine story >
                                                                   నువ్వు - నేను

నేను మనసు మమత తెలీని పాషానాన్ని
   నువ్వు ఓరిమితో అందమైన శిల్పంగా చెక్కావు

నా మూర్ఖత్వాన్ని సహించావు
నా కోపాన్ని భరించావు

నేను విషాన్ని చిమ్మితే అమృతంలా సంగ్రహించావు
నేను శూలాల్లాంటి మాటలతో తూట్లు పొడిస్తే పూలదండలా స్వీకరించావు

అమ్మ లా లాలించావు, గురువు లా బోధించావు
కష్ట నష్టాల కోర్చి పట్టుదలతో నన్ను మార్చుకున్నావ్

నేను మారానని నీకు రుజువు చేసేలోపలే ఎందుకు నా జత వీడిపోయావ్

ఎప్పుడు నన్ను వెన్నంటే ఉంటావని నీ చిన్ని చిన్ని కోరికలు కూడా తీర్చలేదే
భాద్యతలతో, స్నేహాలలో ములిగిపోయి నీ  అభిరుచులు, అభిలాషలు గమనించలేదే
నువ్వు నేను ఒకటేనని, నా మనసు నీకు తెలుసనీ
నీపై వున్న అవాజ్యమైన ప్రేమని ఏనాడూ నోరారా చెప్పలేదే

ఒక్కసారి.. నిన్ను తనివి తీరా హత్తుకోవాలని వుంది
నా కన్నీటితో నీకు అభిషేకం చేయాలని వుంది
నీ ఒడిలో సేద తీరాలని వుంది
నా ప్రేమతో నిన్ను ముంచెత్తాలని  వుంది

నువ్వుండగా నేను పెట్టిన క్షోభకి నీ వియోగంతో ఎంత శిక్ష వేశావ్
ఎన్ని తప్పులు చేసినా ఈ శిక్ష భరించగలనని ఎలా భావించావ్

ప్రతీ క్షణం జీవచ్చవంలా బ్రతకమని నన్నెందుకిలా శాసించావ్
ఫోటో లోని నీ చిరునవ్వుని చూసి పశాత్తాపం తో ప్రతి క్షణం నన్నెందుకిలా కుమిలిపోయాలా చేసావ్

నువ్వు లేని నేను .. ఇప్పుడు ఏమి కాను? .. ఏమై పోను?..
.... ఎలా బ్రతకను ????....

Common Man

<-- Common Man -->


ఏ ఒక్క భాష పైనా పూర్తిగా పట్టు లేదు
లౌక్యంగా మాట్లాడే కనికట్టు రాదు

తిమ్మిని బమ్మి చేసే తెలివి లేదు
కొందరి కన్నీటినైనా తుడిచేంత కలిమీ లేదు

టెన్త్ వరకు తెలుగులో, ఇంటర్ నుంచి ఇంగ్లీష్ లో నడిచిన వానా కాలం చదువు
కిరాణా  కొట్టు నుంచి ఇంటికి,  చేతి నుంచి నోటికి సరిపడేంత  పైసలే ఇచ్చే కొలువు

అయినా..

అమ్మా నాన్న ఇచ్చిన సంస్కారం వుంది
గురువులు నేర్పిన బుద్ధి వుంది

ప్రక్కవాడి కన్నీటిని తుడిచే గుండె తడి ఉంది
అందరి సంతోషాన్ని పంచుకునే ఆత్మీయపు ఒడి వుంది

మంచి చెయ్యాలనే కోరిక వుంది,
మంచి చెప్పటానికి తీరిక వుంది

తరిగిపోతున్న మానవ విలువలను గుర్తు చెయ్యాలనే తపన వుంది
చెదిరిపోతున్న జీవితాలను (అపార్ధాలతో, ఫాల్స్ ప్రెస్టేజ్ తో) సరిదిద్దాలనే ఆశ వుంది

విష బీజాలు జనం లో నాటి శవాల పై కోట్లు గడించే వారి పై అసహ్యముంది
తమ కంటిని తమ చేత్తో పొడుచుకొనే వారిపై జాలి వుంది

అందరు సంతోషంగా కలకాలం కలిసి ఉండాలనే అభిలాష వుంది!!

- జతీన్

Aaasa - Aasa - Aasa

ఆశ .. ఆశ .. ఆశ 

రాత్రి తాగొచ్చి చితక్కొట్టే ప్రొద్దున్నే కాళ్ళు గడ్డం పట్టుకొని బ్రతిమాలే మొగుడు రేపటినుంచి తాగిరాడని రత్తాలు కు ఆశ

నమ్మకంతో ఎన్నుకుంటే 40 కోట్లు తినేసిన (వి)నాయకుడు నెక్స్ట్ టైం బెస్ట్ అనిపించుకుంటాడని ఆదర్శ్ ఆశ

బంద్ లతో, ఇబ్బందులతో బంద్ అయిపోయిన జిందగీ కా గాడీ తిరిగి గాడి లో పడుతుందని యాదగిరి ఆశ

shift లలో తన వృద్ధాప్యాన్ని పంచుకునే కొడుకుల ఆలోచనలు ఈ సారైనా తన వైపు shift అవుతాయేమో నని కుటుంబ రావు ఆశ

Hike ఇవ్వడానికి మౌంట్ ఎవరెస్ట్ Hike చేసినట్టు ఫీలయ్యే బాస్ ఈ సారైనా ఇస్తాడని ఉద్యోగరావు ఆశ

నాల్గు సంవత్సరాల నుంచి జీడిపాకం లా సాగుతోన్న "నర మేధం" సీరియల్ next రోజే end అయ్యిపోవాలని నగేష్ ఆశ

రవితేజ, చిరంజీవి లా తానూ ఏదో ఒక రోజు వెండితెర మీద వెలిగిపోవాలని ఇంట్లో చెప్పకుండా రైలెక్కి వచ్చేసిన కృష్ణా నగర్ వర్ధమాన్ (నటుడు) ఆశ

నేను రాసిన ప్రతీ వాక్యం ఇంతవరకు చదివి, తిట్టుకోకుండా మనసారా అశ్వీరదించాలని నా చిన్ని ఆశ

ఆశ ... ఆశ ... ఆశ..
ఆశ జీవితానికి శ్వాస

నిరాశ బ్రతికున్న మనిషిని చంపేస్తుంది
ఆశ..ఆశ..ఆశ.. ఆశ చచ్చిపోయే మనిషిని బ్రతికిస్తుంది..

-జతీన్

Ammamma Vooru

- అమ్మమ్మ వూరు - (1978)

తెల్లవారు జామునే నిద్ర నుంచి లేపే గుడి సుప్రభాతం
సుప్రభాతం అయ్యేలోగానే ప్రసాదం కోసం గుడికి పరుగులు

గుడిని ఆనుకొని చెరువు, చెరువు మధ్యలో తామరలు
ప్రొద్దున్నే బిందెలు నెత్తికెత్తుకుని చెరువు నుంచి వెళ్ళే అతివలు, వాళ్ళ కాలి మువ్వల సవ్వడులు

అమ్మమ్మ చావిట్లో చేస్తున్న తాటి రొట్టె వాసనలు, అది తినటానికి అన్నా చెల్లెళ్ళతో పోటీలు
వీధి గుమ్మంలో మామయ్యల బాతాఖాని, అర్ధం అయ్యీ కాని వూరి రాజకీయాలు

పావలా దొరికితే సుబ్బిశెట్టి కొట్టుకు పరుగులు, అందరితో పంచుకున్న జీళ్ళు, పప్పులు
అర్ధ రూపాయ కోసం పెదనాన్న ఎదురుగా చేసిన ఎన్టీఆర్ డాన్సులు, ఆ డబ్బులతో టౌన్ లో ఏ సినిమా చూడాలని వేసిన ప్లానులు

"పాత ప్రెసిడెంట్ గారి మనవడు" అని పిలిస్తే తెలియని సిగ్గు, మొహమాటం
ఎక్కడో తాతయ్య ఊరికి మంచి చేసుంటారని కించిత్తు గర్వం

అమ్మమ్మ ప్రేమతో తినిపించే ముద్దపప్పు ఆవకాయ
నిద్రలో జారేముందు ఆరు బయట నక్షత్రాలతో చెప్పిన కబుర్లు 

చాకలి చెరువులో దోసిళ్ళలో పట్టిన చేప పిల్లలు, అవి పెట్టిన కితకితలు, గిలిగింతలు

పాలేరు కొట్టి ఇచ్చిన కొబ్బరి బొండాలు, తాటి ముంజెలు, వాటితో చేసిన చక్రాల బళ్ళు, వాటి పరుగు పందాలు

పెళ్లి కూతురైన చివరి పిన్నికి, పెళ్లికొడుక్కి మధ్య మోసిన కబుర్లు, లేఖలు, లంచంగా తీసుకున్న డబ్బులు

ఫ్యామిలీ ప్లానింగ్ ఆఫీసులో పని చేసే పెద్ద మావయ్య బీరువాలోంచి లేపేసి ఇల్లంతా ఊదేసినన "బుడగలు", బహుమతిగా తిన్న దెబ్బలు

ఇంటి నుంచి స్కూల్ కెళ్ళే లోగా రిక్షా సుబ్బడి ని పెట్టిన ముప్పుతిప్పలు, రోజూ అమ్మమ్మ తో వాడు చెప్పిన కంప్లైంట్లు

భోషాణం పెట్టెలో దాక్కుని ఒక్క పూట లో మొత్తం తినేసిన వూరు వారిచ్చిన సారె, డాక్టర్ గారు పొడిచిన ఇంజక్షన్ లు

నీ కొడుకుని భరించడం నా వాళ్ళ కాదు అని అమ్మమ్మ పోస్ట్ మాస్టారి తో అమ్మకి రాయించిన వుత్తరం, వుత్తరంలో ఎఅకరువు పెట్టిన సంగతులు

ఎం చెయ్యాలో పాలు పోక, తాహతుకి మించినా, కొడుకు బాగుపదతాడని హాస్టల్ లో 3 వ క్లాసు లో పడేసిన నాన్న - మధ్యలో నే ఆగిపోయిన బాల్యం.....

Ulli .. Lolli

Chelli... Kshaminchu